✒️ मूल (Mul विदर्भ प्रतिष्ठा न्यूज नेटवर्क)
मूल (दि.28 नोव्हेंबर) :- महात्मा ज्योतिबा फुले विद्यालय, चिरोली येथे आयोजित दोन दिवसीय 53 वी तालुकास्तरीय विज्ञान प्रदर्शनी 28 नोव्हेंबर 2025 रोजी संपन्न झाली. या प्रदर्शनीत माउंट कॉन्व्हेन्ट अँड ज्युनियर कॉलेज ऑफ सायन्स, मूल येथील विद्यार्थ्यांनी उल्लेखनीय कामगिरी करत यशाची नोंद केली.
प्राथमिक गटात कुमारी रुचिका तेलावर आणि माही ब्राह्मणवाडे (इयत्ता 8 वी) यांनी विज्ञान शिक्षक व उपमुख्याध्यापक असपाक सय्यद यांच्या मार्गदर्शनाखाली द्वितीय क्रमांक मिळविला.
तसेच इयत्ता 9 वीतील आरुषी भीमटे हिने वक्तृत्व स्पर्धेत प्रथम क्रमांक, तर प्रश्नमंजुषा स्पर्धेत द्वितीय क्रमांक मिळवून दुहेरी यश संपादन केले. विद्यार्थ्यांच्या सर्व कामगिरीत विज्ञान शिक्षक अशपाक सय्यद यांचे मार्गदर्शन मोलाचे ठरले.
या यशाबद्दल शाळेचे अध्यक्ष भाऊराव झाडे, मुख्याध्यापिका रीमा कांबळे, ज्युनियर कॉलेज इन्चार्ज दुष्यंत गणवीर, तसेच सर्व शिक्षक आणि शिक्षकेत्तर कर्मचारी यांनी विजेत्या विद्यार्थ्यांचे व मार्गदर्शक शिक्षकांचे अभिनंदन केले.
