✒️संजय तिवारी चंद्रपूर(Chandrapur विशेष प्रतिनिधी)
चंद्रपूर(दि.27 जानेवारी) :-
प्रजासत्ताक दिनाचे औचित्य साधून श्री गुरुद्वारा गुरु सिंग सभा, चंद्रपूर यांच्या वतीने संचालित खालसा कॉन्व्हेंट हायस्कूल, चंद्रपूर येथे भव्य व उत्साहपूर्ण कार्यक्रमाचे आयोजन करण्यात आले. या कार्यक्रमास चंद्रपूर जिल्ह्याचे सुप्रसिद्ध ENT व हेड नेक कॅन्सर सर्जन तसेच भारतीय जनता पार्टी महानगर जिल्हा चंद्रपूरचे माजी अध्यक्ष व भारतीय जनता पार्टी जिल्हा चंद्रपूरचे महामंत्री
*डॉ. मंगेश मधुकर गुलवाडे*
हे प्रमुख अतिथी म्हणून उपस्थित होते.
यावेळी विद्यार्थ्यांनी सादर केलेल्या देशभक्तीपर सांस्कृतिक कार्यक्रमांनी उपस्थितांची मने जिंकली. तसेच शैक्षणिक, क्रीडा व विविध क्षेत्रांत प्राविण्य प्राप्त केलेल्या विद्यार्थ्यांचा सत्कार करण्यात आला. विद्यार्थ्यांच्या माध्यमातून सादर करण्यात आलेल्या उत्कृष्ट कवायतीने शिस्त, एकात्मता व राष्ट्रप्रेमाचे प्रभावी दर्शन घडवले.
कार्यक्रमाप्रसंगी श्री गुरुद्वारा गुरु सिंग सभा, चंद्रपूरचे
*अध्यक्ष सरदार चरणजीत सिंग बाधवा,*
*उपाध्यक्ष सरदार चमकोरसिंग बसरा,*
*उपाध्यक्ष सरदार पुरणसिंग जुनेजा,*
*सदस्य सरदार परविंदर सिंग भाटिया ,*
*कोषाध्यक्ष सरदार सुरेंद्र सिंग गिल*
*सहसचिव अमरप्रित सिंग होरा*
यांची विशेष उपस्थिती होती.
तसेच खालसा कॉन्व्हेंट हायस्कूलच्या *प्राचार्या श्रीमती सिमरन सहानी* शिक्षकवृंद, पालकवृंद आणि मोठ्या संख्येने विद्यार्थी उपस्थित होते.
या प्रसंगी बोलताना
*डॉ. मंगेश मधुकर गुलवाडे*
यांनी विद्यार्थ्यांनी शिस्त, संस्कार आणि देशभक्ती हे जीवनमूल्य आत्मसात करून देशाच्या उज्ज्वल भविष्यासाठी राष्ट्रसेवेचे योगदान द्यावे, असे आवाहन केले. प्रजासत्ताक दिनानिमित्त आयोजित या कार्यक्रमातून राष्ट्रीय एकात्मता व देशप्रेमाचा संदेश प्रभावीपणे पोहोचल्याचे त्यांनी नमूद केले.
