🔸हा विजय माझा नसून गोर गरीब , शेतकरी , शेत मजुरांचा राहील…डॉ. चेतन खुटेमाटे
✒️चंद्रपूर(Chandrapur विदर्भ प्रतिष्ठा न्यूज नेटवर्क)
चंद्रपूर(दि.12 नोव्हेंबर) :- आमची उमेदवारी सर्वसामान्य लोकांच्या चेहऱ्यावर हास्य फुलवण्यासाठी आहे.
काल, 11 नोव्हेंबर रोजी भद्रावती येथील नाग मंदिर परिसरात डॉक्टर चेतन खुटेमाटे यांच्या प्रचारार्थ आयोजित जाहीर सभेला प्रचंड प्रतिसाद मिळाला. शहरातील तसेच आजुबाजूच्या खेड्यांतील नागरिकांनी मोठ्या संख्येने उपस्थित राहून सभेचे महत्व वाढवले. खासकरून तरुणांची आणि महिलांची उपस्थिती आश्चर्यकारक होती, ज्यामुळे सभा उत्साही वातावरणात रंगली. गोंडवाना विद्यापीठाचे सिनेट सदस्य प्रा. दिलीप चौधरी यांनी सभेला मार्गदर्शन केले आणि लोकांच्या उत्साहाला अधिक उंचावले.
या सभेची सुरुवात पाझुर्णी येथील ग्रामपंचायत सदस्य गजाननजी काळे यांच्या शहादतला श्रद्धांजली अर्पण करून करण्यात आली. प्रेमदास अस्वले, विद्याताई मोघे, केशवजी तिराणिक, गजाननजी घुमे, योगेश मांढरे आणि इतर नेत्यांची उपस्थिती या सभेची आणखी प्रतिष्ठा वाढवली. सभेची सांगता राष्ट्रगीताने करण्यात आली.
