🔸सोने-चांदी व रोख रकमेसह २ लाख १० हजाराचा मुद्देमाल लंपास 

✒️शिरीष उगे भद्रावती(Bhadrawati प्रतिनिधी) 

भद्रावती(दि.28 सप्टेंबर) :- जिल्ह्यात गेल्या काही महिन्यांपासून चोरीचे सत्र सुरू असून काही दिवस पूर्वी चोरट्यांनी उपविभागीय पोलीस अधिकारी निओमी साटम (आयपीएस) यांच्या भाड्याच्या घराला लक्ष्य केले होते. ही घटना ताजी असतानाच भद्रावती-शहरातील गोविंद ले -आउट येथे राहते घरी अज्ञात चोरट्याने घरफोडी करून सोने-चांदी व रोख रकमेसह २ लाख १० हजाराचा मुद्देमाल चोरून नेला ही घटना दिनांक २७ च्या मध्यरात्री घडली.

अविनाश ठवकर ही आपल्या मुलासह गोविंद ले -आउट येथे राहते ती दिनांक २६ रोज गुरुवारला मुलीकडे जेवण करण्याकरता गेली त्यानंतर रात्रोला तिथेच थांबली आज २७ रोज गुरुवारला पहाटे घरी आली असता घरासमोरील लोखंडी गेट व दरवाज्यातील कुलूप तुटलेल्या अवस्थेत दिसले त्यानंतर घरातील कपाट उघडे दिसले त्यातील सोन्या – चांदीचे दागिने किंमत १ लाख ४५ हजार व रोख रक्कम ६५ हजार असा एकूण २ लाख १० हजाराचा मुद्देमाल चोरीस गेला या घटनेची तक्रार भद्रावती पोलिसात दाखल करण्यात आली असून पोलीस अज्ञात चोट्यांचा शोध घेत आहे पुढील तपास ठाणेदार बिपिन इंगळे यांच्या मार्गदर्शनात सुरू आहे.