🔸डॉ. अंकुश आगलावे यांनी शेतकरी बांधवाना उपस्थित राहण्याचे केले आवाहन
✒️ चंद्रपूर (Chandrapur विदर्भ प्रतिष्ठा न्यूज नेटवर्क)
चंद्रपूर(दि.31ऑगस्ट) :- वरोरा व भद्रावती तहसिल येथील शेतक-यांच्या शेतजमीनी भोगवटदार वर्ग -2 मधून वर्ग – 1 मध्ये करण्याबाबतची जनसुनावणी हंसराजजी अहीर, राष्ट्रीय अध्यक्ष, केंद्रीय मागास आयोग भारत सरकार यांनी दि. 4/9/2024 रोजी कटारिया मंगल कार्यालय , वरोरा येथे सकाळी 11 वाजता आयोजित केली आहे.
या जनसुनावणीत चंद्रपूर जिल्हयाचे जिल्हाधिकारी, उपविभागीय दंडाधिकारी, वरोरा तसेच भद्रावती व वरोरा तहसिलदार उपस्थित राहणार आहे.
महाराष्ट्र जमीन महसुल भोगवटदार वर्ग 2 आणि भाडेपट्टयाने प्रदान केलेल्या जमिनी भोगवटदार वर्ग- 1 मध्ये रूपांतरीत करणे नियम, 2019 अन्वये शेतकरी बांधवाना अर्ज सादर करता येणार आहे. याकरीता सातबारा, नमुना – 8 व विनंती अर्ज घेवून मोठया संख्येने शेतकरी बांधवानी उपस्थित राहावे असे आवाहन डॉ. अंकुश आगलावे यांनी एका प्रसिध्दी पत्रकाव्दारे केले.
