✒️ आम्रपाली गाठले शेगाव बू (Shegaon bu प्रतिनिधी)
शेगाव बू (दि.17 नोव्हेंबर) :- वरोरा विधानसभा क्षेत्राचे अपक्ष उमेदवार डॉ. चेतन खुटेमाटे यांचा विधानसभा क्षेत्रात प्रचाराचा झंजावात सुरू आहे. शनिवारी डॉ. खुटेमाटे यांनी सालोरी, परसोडा, मेसा, भेंडाळा, चारगाव (खुर्द), चारगाव(बु), वडधा,बोरगाव,उमरी ,गिरोला, पारडी साखरा लोदीखेडा या गावांना भेट देऊन येतील मतदारांशी संवाद साधला.
डॉ. चेतन खुटेमाटे हे कार्यकर्त्यांसह वरोरा भद्रावती विधानसभा क्षेत्रातील गावे पिंजून काढत आहे. त्यांच्या प्रचाराला गावोगावात उत्स्फूर्त प्रतिसाद मिळत आहे. प्रचारादरम्यान वरोरा विधानसभा क्षेत्राच्या विकासासाठी आपण तत्पर असल्याची ग्वाही मतदारांशी संवाद साधताना देत आहेत. आजवर वरोरा विधानसभा क्षेत्राचा विकास खुंटला आहे वरोरा विधानसभेच्या विकासासाठी मतरूपी आशीर्वाद देऊन निवडून देण्याचे आवाहन त्यांच्याकडून केले जात आहे.
सध्या उमेदवार म्हणूनच नाही तर गेल्या अनेक वर्षापासून आरोग्य व इतर क्षेत्रातील सेवा अनेकांनी बघितली आहे. भविष्यातही हे सेवेचे व्रत कायम सुरू राहणार असल्याचे ग्वाही डॉ.खुटेमाटे यांच्याकडून दिली जात आहे.
