✒️ भद्रावती (Bhadrawati विदर्भ प्रतिष्ठा न्यूज नेटवर्क)
भद्रावती(दि .11 नोव्हेंबर) :-
सध्या विधानसभा निवडणुकीची धामधूम सुरू असून सर्वच उमेदवारांनी प्रचारामध्ये जोरदार मुसंडी मारलेली आहे. वरोरा – भद्रावती विधानसभा क्षेत्रातून प्रहार जनशक्ती पक्षातर्फे अहेतेशाम अली यांना उमेदवारी देण्यात आलेली आहे.
विधानसभा उमेदवार अहेतेशाम अली यांच्या प्रचारार्थ शेतकरी नेते तथा प्रहार जनशक्ती पक्षाचे प्रमुख बच्चू कडू यांची सभा भद्रावती येथे आयोजीत करण्यात आली आहे. ११ नोव्हेंबर रोज सोमवारला भद्रावती शहरातील शिंदे महाविद्यालय येथील पटांगणावर सायंकाळी ६ वाजता सदर सभेचे आयोजन करण्यात आले आहे.
यावेळी शेतकरी संघटना तसेच विदर्भवादी नेते वानमराव चटप यांची विशेष उपस्थिती राहणार आहे. परिसरातील शेतकरी, शेतमजूर, महिला, दिव्यांग बांधव तसेच नागरिकांनी सभेला मोठ्या संख्येने उपस्थित रहावे अशी विनंती आयोजकांकडून करण्यात आली आहे.
